Usa ka pulis patay human naka-engwentro ang mga sakop sa NPA sa Bukidnon

Bukidnon – Patay ang usa ka pulis human na-engkwentro sa Provincial Public Safety Company (PPSC) Bukidnon uban sa 1st Special Forces Battalion, Philippine Army ang mga sakop sa New Peoples Army kon NPA sa lungsod sa Pangantucan, Bukidnon alas 3:15 sa hapon, kagahapon.

Sa interview sa RMN Malaybalay ngadto kang PSUPT Gervacio Balmaceda Jr., commanding officer sa PPSC- Bukidnon gibutyag niini nga ilang na-engkwentro ang mga NPA nga ilawom sa Guerilla Front Committee 68 North Central Mindanao Region Committe sa Brgy. Concepcion, Pangantucan nga nag-resulta sa pagkasamdan sa usa ka pulis nga si PO1 John Herbert C Pingol nga naka-angkon ug samad pinusilan sa likod nga bahin sa iyang lawas.

Daling gihatagan ug first aid si PO1 Pingol apan namatay usab kini.


Nahitabo ang engkwentro samtang nagpahigayon ug joint combat operation ang kapulisan ug tropa sa kasundaluhan sa mao nga lungsod.

Facebook Comments