Patay ang usa ka pulis samtang samdan ang laing usa pa human nga giharass sa gituohang New People’s Army kon NPA alas 9:35 kagabie sa Barangay Sumpong ning siyudad sa Malaybalay.
Sa interview sa RMN Malaybalay ngadto kang P/Supt. Al Abanalez, ang hepe sa Malaybalay City Police Station gibutyag niini nga nagduty lang ang duha ka mga pulis sa outpost sa Barangay Sumpong apan giharas kini sa mga armadong grupo.
Gikasubo usab sa hepe nga adunay napatay nga iyang sakop sa mao nga harassment nga gihimo sa mga NPA.
Gi-ila ni Abanalez ang napatay nga pulis nga si PO3 Jerry Tropel ug nasamdan si PO1 Reymar Caña.
Gisaysay ni Abanalez nga nag-standby ang maong duha ka mga pulis nga kabahin sa ilang police visibility sa ilang outpost.
Base sa kuha sa CCTV Footage adunay upat ka tawo ang ni-abot sa area ug kalit namusil.
Gipahayag usab sa hepe nga nakapa-boto pa ang mga pulis hinungdan nga nisibat ang maong mga suspek.
