GENERAL SANTOS CITY- Nabulit og pagdayeg ang usa ka pulis sa General Santos City Police Office human kining mipakita og kaayohan ngadto sa usa ka motoristang nahutdan og gasolina samtang anaa nagguyod atubangan sa Camp Fermin Lira niadtong Lunes sa gabie.
Matod sa post sa netizen nga si April Joyce Corsit Olan-olan, gikan daw sila sa Barangay Labangal og pauli na sila sa ilahang lugar sa Barangay Bula apan natanggong dis oras sa gabie tungod kay nahurot ang gasolina sa ilahang traysikel.
Pagtuo pa ni Olan-olan nga sitahon sila sa pulis nga si Patrolman Leo Olaer nga nakadestino sa City Mobile Force Company sa General Santos City Police Office gumikan kay magtungang-gabie na og anaa gihapon sila sa kalsada.
Nahikurat sila tungod kalit nga mikuha si Pat Olaer og gasolina didto sa iyahang motorsiklo og gipasuyop aron ibalhin sa traysikel nga ilahang gisakyan.
Nagpasalamat og dako si Olan-olan gumikan sa kaayohan nga gipakita ni Patrolman Olaer.
Nakaabot na sab sa opisina sa labaw sa CMFC nga si Police Lt. Col. Jose Mari Simangan ang nahimonng viral post nga mibida ang pulis nga si Patrolman Olaer.
Gidayeg sab ni GSCPO Director Police Col. Aden Lagradante ang kaayohan sa maong pulis na gikonsidera niining “beyond the call of duty” ang gihimo ni Olaer.
For more info’s and updates, like and share our official facebook account : www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: PULIS.jpg]
[image: PULIS ..jpg]
