Usa ka Rural Transit Bus ug single motor nagkasungag duha patay

27

Labangan, Zamboanga del Sur – Duha ang patay sa panagbangga nga nahitabo didtung dapita sa National Highway sa Brgy. Bulanit, Labangan, Zamboanga del Sur alas 6 ang takna sa niaging buntag December 19, 2021.
Ang maong panagbangga gilangkuban sa usa ka Rural Transit Bus nga gimaniho ni Ricardo Yray Baltiado Jr, 40-anyos, lalake, minyo, ug residente sa Purok 5, Brgy. Poblacion B, Midsalip, Zamboanga del Sur.
Laing usa ka unit sa Yamaha NMAX 150 nga gimananiho ni Kilven Mark Donguines, 28-anyos, ulitawo, residente sa Brgy. San Carlos, sakop sa lungsod sa Tukuran.
Base sa imbestigasyon sa Labangan PNP nagdagan ang Rural Transit Bus gikan sa syudad sa Pagadian paingon sa lungsod sa Labangan apan pag-abot niini sa dapit hitabuan aksedente kini nagkabannga sa single motor.
Sa kakusog sa impact nakahiagom og mga grabing samad ug bun-og sa kalawasan ang driver nga si Donguines rason nga gidala sa Aisha Medical Hospital, ning dakbayan sa Pagadian alang sa dinaliang medekasyon.
Ang backrider sa maong motor nga si Rithchie Suniega Paras, 18-anyos, ulitawo, residente sa Brgy. Napolan, syudad sa Pagadian gidala sa Zamboanga del Sur Medical Center, apan gedeklara kining dead on arrival sa attending physician nga si Dr. Abner Klem Magboo.
Ang driver sa rural transit ang gidala ngadto sa Labangan MPS alang sa tukmang didposisyon samtang nasayaran usab mga ang driver sa motor nga si Kilven Mark Donguines ang nakabsan usab sa hinulamang kinabuhi.

Facebook Comments