Usa ka sundalo, samaran sa engkwentro sa Misamis Oriental

29

Samaran ang usa ka sundalo sa nahitabong engkwentro tali military ug mga rebeldeng New People’s Army o NPA mga alas 6:30 kaganihang buntag sa  tunga-tonga sa bukid sa Sumagaya ug bukid sa Pamalihi, lungsod sa Claveria, Misamis Oriental.

 

Matud ni 58th Infantry Battalion, Philippine Army  Commanding officer, Lt. Col. Roy Anthony Derilo nga sa 15 minutos nga engkwentro, samdan ang usa ka sundalo human napingsan sa dalunggan.


 

Gibutyag ni Lt. Col. Derilo nga dili pa maihap nga miyembro sa NPA ang samaran, subay na usab sa daghang dugo nga mibanaw sa lugar kung diin nahitabo ang engkwentro.

 

Dugang ni Lt. Col. Derilo, na-sorpresa ang mga rebelde sa dihang milusob ang tropa sa 58th Infantry Battalion busa nakurat ug naglisod na sa pagpanagang ang mga rebelde.

 

Nasayran nga saba ang mga rebelde sa dihang naglung-ag sa ilang pamahaw sa dihang gilusob sa militar ang lugar.

Facebook Comments

From Advertisers