Usa ka sundalo samdan sa nahitabong engkwentro tali sa militar ug gituohang mga NPA

36

Samdan ang usa sa mga sundalo nga nakigsinukli-ay ug bala batok sa gituho-ang mga NPA kagahapon sa sitio Pudog, Barangay Mainit, Iligan City.

Hinoon stable na ang maong sundalo dihang dali kining nadala sa usa ka tambalanan sa syudad.
Matud ni Lt. Col. Domingo Dulay Jr., Commander sa 4th Mechanized Battalion nga gisanong sa kasundalohan ang taho sa katawhan sa maong lugar nga apektado sa COVID 19 kun asa adunay gapangilkil kanila ug kwarta ug pagkaon.


Gituho-ang nahutdan na ug supply ang gituho-ang mga NPA gumikad usab sa COVID 19 hinungdan nga gapangilkil kini sila sa katawhan sa nasangpit nga lugar.

Posible usab nga adunay samdan sa panig sa maong gropo gikan sa ilang pakigsinukli-ay ug bala sa kasundalohan.

Gipasalig sa kadagku-an sa AFP nga dili sila mohunong sa pag-gukod sa maong gropo tungod dili nila itugot nga mohimo kini sila sa pagsamok-samok ingon man pagpangilkil sa katawhan sa kabukirang bahin dinhi sa dakbayan sa Iligan.

Facebook Comments