General Santos City—Giransack sa wala pa mailhing suspek ang usa ka tindahan nga nahimutang sa Central Public Market Phase-B, nga gipanag-iyahan sa usa ka Rimia Barba, legal Age, residenti sa barangay San Isidro ning dakbayan sa Gensan.
Sa inisyal nga imbistigasyon sa Police 6 nasayran nga nakurat nalang ang negusyante human nga guba na ang padlock sa iyang tindahan ug dihang gisuta wagtang na ang pipila nila ka gamit ug kwarta nga ilang halin nga gibutan sa drawer.
Sa kinatibuk-an mukabat matud pa sa P40,000.00 ang kantidad sa mga nawagtang nga butang gikan sa maong tindahan.
Sa karon nagpadayon pa ang gihimong imbistigasyon sa kapulisan kalabutan sa maong insidenti.
Facebook Comments
