Davao City – Patay ang usa ka tuig ug ug napulo ka bulan nga batang babaye human kini nalumos sa lapyahan sa Lizada Toril ning siyudad.
Biktima naila nga si alyas Nene nagapuyo sa Purok. 3 Sitio Lawis Barangay Lizada Toril ning siyudad.
Sumala sa kapolisan sa Toril, gisaysay sa inahan nga si Joan Saballe Umalo, 20 anyos nga bandang alas 8 sa kabuntagon kagahapon na busy kini sa pag bantay sa lain pang anak niini nga nagpangidaron og 5 ka bulan.
Nalipat na lamang siya sa dihang iya kining gipangita apan wala na kini makaplagi.
Hangtod sa nangayo na kini og pakitabang sa iyang silingan ug alas 10 pasado nakit-an sa uyoan niining usa ka mangingisada nga naila nga si Bryan Espinosa Seguerra kinsa miingon nga nakakita kini og bata nga anaa ilawom sa tubig dapit ra usab sa panimalay sa biktima.
Daling gidala sa pinaka duol nga tambalanan ang biktima apan gi deklara na kining patay sa attending physcian niini.
Kapolisan naghimo og follow up investigation kun duna bay foul play sa kamatayon sa maong biktima.
RadyoMaN Paul Canono
