Davao city- Usa ang naaresto sa kapin 60 ka mga indibidwal nga gipailawom sa profiling sa kapolisan sa Bunawan human gilusad ang Oplan Bulabog.
Sa report sa Bunawan PNP, nasikop ang usa ka drug pusher nga nailang si Jose Rodriguez, 55 anyos ug residente sa lot 2 blk 50, Brgy. Tibungco ning syudad.
Nakuhaan matud pa ang suspek og usa ka sachet nga gituuhang shabu lakip nakumpiska ang 500 mark money.
Balhog na sa prisohan ang dinakpan ug mag atubang og kasong kalapasan sa RA 9165 kun Comprehensive Dangerous Drugs Act of 2002.
Samtang dugang sa report usab nga sa 63 ka mga indibidwal, 48 ang adunay napakitang IDs samtang 17 ang walay napakitang IDs.
Dugang niini, 33 ka mga drivers ang giisyohan og temporary operating permits, lima ka units nga motorsiklo ang na-impound sa Bunawan PNP human nakalapas ang mga driver sa nagkalain-laing balaud trapiko sa dakbayan.
Gihimo ang maong operasyon sa Davao City Police Office kun DCPO kauban ang Task Force Davao, Traffic Group ug Regional Public Safety Batallon.
RadyoMaN Don Pulayao
