Usa nga PUI ha Tacloban, namatay samtang ginhuhulat an iya confirmatory test han COVID19

1376

TACLOBAN CITY – Namatay an usa nga 51-anyos nga lalaki ha usa nga hospital dinhi ha Tacloban kasangkulop, April 1 samtang naghuhulat han resulta han confirmatory test kun mayada hiya COVID19.

Sumala han interview han Inquirer.net kan Dr. Gloria Fabrigas, city health officer, an pasyente in namatay tungod han respiratory failure, basi ha death certificate tikang ha Eastern Visayas Regional Medical Center (EVRMC) kun diin namatay an pasyente.


Ginkuhaan hin swab an pasyente dida han March 31, pareho nga adlaw nga hiya in na-confine ha hospital.

Ginpadara na an samples ha Vicente Sotto Memorial Medical Center ha Cebu City para han confirmatory tests. Ginhuhulat pa ha pagka yana an result.

Sumala kan Fabrigas, ginlubong dayon an pasyente 9:00 AM thursday, April 2 basi na gihap ha protocol han DOH nga kinahanglan an COVID patient in ginlulubong dayon kun namamatay.

Ginsagdunan na gihapon han mga health officials an pamilya han namatay.

Ha advisory naman han EVRMC, ginsasagdunan an publiko nga mag stay at home.




Facebook Comments