General Santos City— Usa patay samtang duha angol sa nahitabong
pagpamusil sa may Prk. 4, Laguang, Brgy. Rubber, Polomolok, South Cotabato
alas 10 pasado ang takna sa gabii.
Giila ni Police Senior Inspector Romeo Albano, Deputy Chief Of Police sa
Polomolok Municipal Police Station ng biktimang namatay nga si Noby
Alivarez Suela, hamtong ang pangidaron kung asa dead on spot kini human
makaangkon ug tulo ka igo pinusilan sa ulo.
Samtang ang mga sandam mao silang Jefrey Tumilang Campo, 23 anyos ug laing
usa ka katorse anyos nga daling gidala sa balay tambalanan.
Dugang pamahayag ni PSI Albano nga basi sa insiyal nga imbestigasyon, anaa
atubangan sa usa ka sari-sari store ang biktima human nga magpa-sweldo sa
iyahang mga empleyado dihang gipusil sa suspek ug gikuha ang sling bag
niining may sulod nga 30mil ka pesos.
Human ang pagpamusil, nagbaktas lang matud pa ang suspek nga mipahawa sa
lugar kung asa nakatap-tap ang nawong niini rason nga wala kini namay-ungan
sa mga testigo.
Posible matud pa nga gipanid-an na ang biktima gumikan matag semana kini
anaa sa lugar nga nagahatud ug sweldo.
