General Santos City – Nakabsan sa iyahang kinabuhi ang usa ka tricycle driver samtang anaa sa kritikal nga kondisyon ang laing tricycle driver human sila nabangga ngadto sa atubangan na bahin sa kasugat nga dakong trak sa National Highway, Barangay Apopong.
Sumala sa imbestigasyon sa Traffic Management Unit, giila ang mga nalambigit sa maong disgrasya silang Justin Dica, 18 anyos, driver sa tricycle kansa nakabsan sa kinabuhi, Navil Jadji Abuban, 23 anyos, residente sa Zone 2, Brgy. Labangal na laing driver sa tricycle nga kritikal ang kondisyon sa ospital ug ang drayber sa trak na si Patrocinio Pagtanan Jr., hamtong ang edad og residente sa Purok Yungco, Brgy. Poblacion, Polomolok, South Cotabato.
Sumala sa mga nakasaksi sa maong disgrasya, ang duha ka tricycle gikaingon nga naglumbaanay sa National Highway sa maong barangay.
Dugang pa nga parehas nangawad-an og kontrol ang duha ka drayber sa traysikel hinungdan nga mibangga atubangan sa trak na padulong sa Tagum City karga ang mga sinakong feeds.
Parehong gitabang ang mga driver sa tricycle pinaagi sa ilang mga kauban og gipangdala sa ospital.
CTTO : Maceo Rei
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 120598714_152697853185932_2746101728644300100_n.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
