Patay na ang biktima sa dihang gi respondehan sa kapulisan sa Salug, Zamboanga del norte ang nahitabong pagpanigbas didto sa may barangay Ramon Magsaysay, lungsod sa Salug, sa miaging adlaw sa may 1:00AM.
Ang biktima mao si Nicasio Anastacio Galinio alyas Daksa, ug tadtad kini sa samad tinigbasan sa nagka daiyang parte sa iyang lawas. Sa giluwatan nga resulta sa imbistigasyon ni PO2 Dennis T. Berjame, ang biktima didto kini sa panimalay ni Mrs. Mary Jane O. Banong, samtang ang person of interest nga si Hazzer Taradji, nagpuyo usab sa maong panimalay kun asa nahitabo ang pagpanigbas.
Gituohang kining person of interest nga si Hazzer hubog ug matod pa nagkalalis sila tungod sa miagi nilang bikil ug gibaharan nga patyon.
Diha-diha mipauli si Hazzer ug pagbalik niini armado nakini sa sundang ug pusgsanon kining misulod sa balay ni Mrs. Banong, dayong tigbas sa biktima, nakahigayon pa unta sa pag ikyas si Nicasio apan naapsan kini ug didto na sa walay kaluoy, gi ayo-ayo ug tigbas hangtod nga namatay ang biktima.
Dali usab nga miikyas ang mihimo sa maong pagpanigbas, personal nga bangi ang gitan-aw karon nga hinungdan sa kapulisan sa maong hitabo. Samtang padayon ang pagpangita sa PNP salug ngadto kang hazzer aron manubag sa salaod nga iyang gibuhat.
