General Santos City—Patay ang usa ka Jacinto Evangelista, 50 anyos nga taga Barangay Buayan, Gensan samtang samdan usab ang usa ka Alex Singcala, 26 anyos residenti sa maong lugar human nga nabanggaan ug pick up ang ilang gisakyang tricycle alas 4:00 ang takna sa kabuntagon.
Subay sa report nga nahipos sa DXMD RMN Gensan News Team, gikan sa Barangay Buayan ang mga biktima ug padulong unta sa Merkado publiko ning dakbayan.
Apan pagabot sa Baluan Road, sila nabanggaan ug pick-up hinungdan nga nangalagpot ang mga nahisgutan.
Gidala sa Dr. Jorge Royeca Hospital ang duha ka biktima apan gideklarang DOA si Evangelista.
Ang driver sa Pick up sa kasamtangan ang anaa na karon sa kustudiya sa Traffic Management Unit.
Facebook Comments
