Usa sa mga suspek sa Plaza murder case gi-abduct

Davao City- Nagpabiling missing gihapon hangtod karon ang usa sa mga sundalong lakip sa mga gikasuhan og murder sa pagpatay sa Davao model ug negosyanteng si Yvonette Chua Plaza sa girentahang balay niini sa Green Meadows Subdivision sa Davao City niadtong December 28, 2022.

Sa interbyu sa RMN Davao kang Captain Mark Anthony Tito, nagpadayon ang ilahang Board of Inquiry ug pagpangita sa usa sa mga suspek nga si Cpl. Romart Longakit kinsa maoy nag-casing ug surveillance sa biktima.

Samtang gikonsiderang missing usab human wala na kabalo ang 10ID sa lokasyon ni Cpl. Rolly Cabal human kini mag-absent without official leave (AWOL).

Gibutyag ni Tito, human ma-report kanila nga na-abduct si Longakit, nilusad sila’g imbestigasyon niadtong Enero 11, 2023 ug nasayrang adunay koneksyon ang iyahang pagkahanaw sa pagpatay kang Plaza.

Gibutyag usab sa opisyal nga ulahing naistorya si Cabal atol usab sa gipahigayong Board of Inquiry.

Anaa sa kustodiya ug restricted sulod sa 10th ID ang ‘liquidation team’ nga sila SSG Gilbert Plaza, Team Leader, CPL. Adrian Cachero, Motorcycle Driver, gunman nga si Sgt. Delfin Sialsa.

Anaa usab sa PA Headquarters sa Fort Bonifacio, Taguig City ang gikonsidera sa SITG Plaza nga mastermind nga si kanhi 1001st Infantry Brigade Commander BGen. Jesus Durante III ug Col. Michael Licyayo nga nagatubang og mga kasong Murder ug Obstruction of justice (PD 1829).

Kasong murder ug PD 1829 usab ang gipasaka batok kang SSg Plaza, murder ug theft sa riding in tandem nga sila Sgt Sialsa, Jr ug Cpl. Cachero, kasong murder batok PFC Rolly Cabal, PFC Romart Longakit, Noel H Japitan ug John Doe alias Jr. ug PD 1829 sa escort ni Durante nga John Doe alias master sergeant.

RadyoMaN Aimee Guinita

Facebook Comments