Arestado ang usa ka most wanted person sa gihimong joint operation sa mga otoridad.
Giila ang dinakpan nga si Gerry Cabrera Quezada nga naila usab sa alyas nga Maximo Caratara ug Boyet Tindugan, 46 anyos, minyo, mag-uuma nga residente sa Binucayan, Loreto, Agusan del Sur.
Usa matud pa kini sa grupo nga mibihag ug mipatay ni Loreto Agusan del Sur Mayor Dario Otaza ug anak niini niadtong October 2015 sa Bitan-agan, Butuan City.
Ang pagsikop pinasikad sa warrant of arrest sa kasong Frustrated Murder ilalom sa Criminal Case Number 4029, nga giisyu ni Judge Hector Salise, Executive Judge sa Regional Trial Court, 10th Judicial Caraga Region, Branch 7, Bayugan City, Agusan del Sur nga pinitsahan niadtung October 2011.
Samtang ang kasong Murder ug Rebellion nga giatubang sa akusado ang warrant of arrest ang gi-isyu ni Judge Dante Luz Viacrucis, Executive Judge of Regional Trial Court, 10th Judicial Region, Branch 6, Prosperidad, Agusan del Sur.
Si Quezada ang kasamtangang nakadetain karon sa karsel sa San Miguel Municipal Police Station.
Sent from my Samsung Galaxy smartphone.
