Usa sa upat ka mga namatay nga npa sa engwentro sa San Fernando, nag positibo sa Covid-19

Kompirmadong nagpositibo sa Covid-19 ang usa sa upat ka mga namatay nga miyembro sa New People’s Army (NPA) sa panag-engkwentro nga natigayon adtong milabayng adlaw didto sa Barangay Mabuhay, San Fernando, Bukidnon.

Kini ang gikompirma ni Major General Romeo S. Brawner Jr., Commander sa 4ID Philippine Army atol sa gipahigayong press conference didto sa 88 Infantry Battalion Headquarters sa Maramag, Bukidnon kagahapong adlawa.

Sumala ni Major General Brawner nga gilubong gilayon ang mga patayng lawas bisan paman wala na mailhan ang mga pangalan tungod kay wala napoy pamilya nga miangkon niini.


Gikabutyag usab ni Brigadier General Ferdinand Barandon ang commander sa 403 rd Infantry Maringal Brigade nga pagpangilkil ang usa sa rason sa maong panag-engkwentro diin nakareport ang usa ka concerned citizen sa maong dapit nga dali-daling gioperasyonan sa mga military.

Padayon gihapon ang pursuit operation sa mga nahibiling miyembro sa NPA nga hugot nga giawhag sa mga opisyale ang pagtahan ug pagbalik sa malinawong pamuyo.

Facebook Comments