Gipaabot pa hangtud karon sa Coalition of Lanao del Norte Utility Transport for Change o CLUTCH ang aprobal sa nasudnong buhatan sa Land Transportation Franchising and Regulatory Board o LTFRB labot sa ilang gihangyo nga usbaw sa pletehan.
Matud ni CLUTCH Chairman Raul Permites nga kinahanglan na gayud umintuhan ang pamasahe sa mga pampublikong sakyanan tungod wala namay hunong ang pagsaka sa presyo sa petrolyo.
Kahinumduman nga unang gisumiter nga resolusyon sa CLUTCH nga gikan sa 7.50 pesos nga plete karon, mamahimo na unya kining dose pesos.
Butang nga ilang gipangandoy nga unta ma-aprubahan tungod daku na kayo kini ug tabang sa ilang inadlaw-adlaw nga panginabuhi-an.
