Davao City- Adunay panawagan karon ang Davao Association of Private Schools and Administrators, Inc. (DAPRISA Inc.) ngadto sa lokal nga panggamhanan subay sa ilang mulo nga daghan ang nibalhin nga mga private teachers sa mga pampublikong eskwelahan.
Sumala ni Dr. Judith Bacarro, presidente sa DAPRISA nga buot nila nga adunay subsidy o pagpataas sa sweldong ginadawatan sa mga teachers diha sa private schools.
Gipasabot ni Bacarro nga tungod kay gamay lamang ang sweldo sa mga magtutudlo sa pribadong tunghaan kung ikumpara sa mga pampublikong tunghaan diin mapugos ang mga teachers nga mubalhin gayod.
Sa maong pagbalhin sa mga teachers gikan sa private schools ang labing apektado mao ang mga estudyante.
Busa nanghinaot si Bacarro nga mahatagan og solusyon ang suliran nga gina-atubang sa mga magtutudlo diha sa mga pribadong institusyon.
RadyoMan Aimee Guinita
