BACOLOD CITY – Ginpa-blotter sang isa ka college student sa Bacolod ang isa ka soltero nga taga-iloilo sa akusasyon nga “stalker” ini.
Nagpadulong sa Police Station 1 si Jhona Mae Caballes, 23 anyos, naga-eskwelaha sa kolehiyo agud o-reklamo ang lalaki nga nakilala naman kay Lefren Arillo, 25 anyos ang edad, soltero kag pumuluyo sang Pavia, Iloilo.
Suno sa estudyante nga una niya nakilala si Lefren pinaagi sa text sadtong November 2017, apang sang ulihi na-notisyahan sang babayi nga indi na ensakto ang ginahimo sang amo nga lalaki.
Ginpahayag sang complainant, masami nga naga-kadto diri sa Bacolod si Lefren kag ginabisitahan siya sa iya eskwelahan kag ginasunod-sunod bisan pa nga wala ini ginasapak sang babayi.
Pahayag sang estudyante nga nagtu-ad man si lalaki nga na in love na ini sa iya kag gusto siya pakasalan.
Mas na-iritar pa gid siya suno sa tagreklamo sang ginpost na ni Lefren ang iya picture sa facebook account sini bisan wala siya sang pahanugot.
Bangud sini, nagpa-blotter ang babayi bangud para sa iya, gina-stalk na siya sang amo nga lalaki./ WikiHow photo
