Davao City – Arestado sa Criminal Investigation and Detection Group (CIDG) Davao del Sur ang suspek nga tigpataya og iligal nga sugal.
Naaktuhan sa mga elemento sa CIDG nga nagpataya og numero ang suspek nga si Aida Navaro Morente, 31 anyos, nagpuyo sa Tres de Mayo, Digos City, Davao del Sur alas 8:00 sa kagabhion.
Nakompiskar gikan sa suspek ang mga kotiho ingun man ang 1,300 ka pesos nga gitoohang kwarta sa sugal.
Nadakpan ang suspek sa San Vicente Barangay Ruparan Digos City, Davao del Sur ug giandam na ang kaso sa mga otoridad batok sa dinakpan.
RadyoMaN Erin Lumosbog
Facebook Comments
