Davao City – Wala maglangan ang kapulisan sa lungsod sa Bansalan Davao Del Sur sa pagkasa og operasyon aron akto masapon ug masikop ang usa ka last two usher sa Barangay Marber.
Gipangunahan sa Regional Mobile Force Battalion Daval del Sur ug Regional Anti-Illegal Gambling uban ang Bansalan Municipal Police Station ang operasyon nga nagresulta sa pagkasikop ni Loreta Cardines, 47 anyos, minyo, ug nagpuyo sa purok 6 sa maong barangay.
Nadiskitahan matud pa sa mga otoridad ang ilegal nga kalihukan ni Cardines maong gikasa ang operasyon diin usa ka pulis ang mitaya og last two kaniya sa karenderia bandang 2:37 sa hapon.
Wala na makaalma pa ang suspek dihang nagpaila na ang pulis dungan sa posas sa duha niya ka mga kamot kung asa nakuha gikan kaniya ang mga paraphernalias sa ilegal nga sugal.
Kalapasan sa Presidential Decree 9287 kun illegal gambling ang ipasang-at nga kaso batok sa dinakpan nga nagtingkagol na karon sa Bansalan Police Station.
RadyoMaN Joel Viray
