Ginpasiguro ni Councilor Plaridel Nava nga iya pasakaan sang kaso sa Office of the Ombudsman ang Anum ka mga Uswag Councilors lakip na si Vice-Mayor Jeffrey Ganzon.
Ini matapos wala gihapon nagtambung sa Session kahapon ang natungdan nga mga konsehal para sa pagtalakay sang importante nga mga isyu may kaangtanan sa water crisis sa siyudad.
Suno kay Nava nga may leave of absence apang maathag nga hungod kag ginplanuhan sang mga konsehal nga kaalyado ni Congressman Jerry Trenas nga indi magtambung sa session agud i-sabotahe ang paghatag serbisyo sang city government sa mga apektado sang water crisis nga mga pumuluyo.
Kaso nga derelection of duty kag conduct prejudicial to public service ang igapasaka ni Nava sa Ombudsman batuk kanday Councilors Love-love Baronda, Jay Trenas, Armand Parcon, Ely Estante, Liga Presoident Irene Ong kag SK Federation President Leila Luntao.
