General Santos City—Giransack sa wala pa mailhing suspetsado ang buhatan sa Extension office sa Bureau of Fisheries and Acquatic resources kon BFAR nga nahimutang sa Seneguelas Street., Barangay East, Gensan niadtong nakalabayng adlaw.
Base sa blotter record sa Police Station 1, usa ka Rodelyn Wabinga, legal age, empleyado sa maong buhatan maoy nakadiskobre sa pagsulod sa kawatan sa ilang opisina alas 7:27 ang takna sa buntag.
Pag abot matud pa niini sa ilang opisina, siya natingala dihang abli na ang tanang drawer sa lamesa ug nangkatag na ang mga gamit, abli usab ang pultahan sa likod nga bahin kansa pugsanong giguba ang lock niini gamit ang gahing butang.
Gikawat sa suspek ang projector ug uban pang gamit. Sa karon nagpadayon pa ang gihimong imbistigasyon sa kapulisan kalabutan sa insidenti samtang ginasuta pa nila ang mga Footage sa CCTV nga nakainstall sa palibot sa maong buhatan.
