Utang sa illegal drugs, tawo gintiro

147

BACOLOD CITY – Wala nabayaran nga transaksyon sa illegal drugs ginalantaw karon nga motibo sa natabo nga pagtiro sa isa ka biktima pasado las 11 kagab-i sa Prk. Tilapia, Brgy. 3, Bacolod City.

Ang bitkima ginkilala kay Elmo Lagrimas, 32 anyos ang edad pumuluyo sang Brgy. Consing banwa sang EB Magalona, diri sa Negros Occidental.


Samtang, gintudlo naman sang biktima ang suspek nga amo si Randy Benjamin alias Panoy, pumuluyo naman sang Brgy. Banago, Bacolod City.

Suno sa imbestigasyon, ang biktima gintiro sang lima ka beses sang mga suspek nga nagasakay sa motorsiklo, apang ini siya ang wala napuruhan kag nakapalagyo pa.

Ginpahayag sang biktima nga nakabaton na gid man siya sang pamahog damlag pa sa suspek bangud nga wala ini nakabayad sang iya utang sa iya ginkuha nga illegal drugs ukon Shabu.

Sa karon ang biktima padayon pa nga ginabulong sa Corazon Locsin Montelibano Memorial Regional Hospital.



Facebook Comments