General Santos City—nagkadugo nga nakaplagan ang usa ka Utility sulod mismo sa establishementong gitrabahuan niini partikular sa Dinopol Building, South Osmenia Street, ning dakbayan, human kining gidunggab sa wala pa mailhing suspek gibana-banaang alas 2:00 ang takna sa kabuntagon kaganina lang.
Ang biktima giilang si Paul De Arce Avila, 42 anyos, residenti sa Santol Street, Barangay North Gensan.
Subay sa pahayag ni Alias Niño, kansa maoy nakakita sa biktima, alas 2:00 ang takna sa kabuntagon dihang nakadungog nalang sya nga adunay naglagubo. Wala lang niini panumbalinga inay nagpadayon kinig katulog.
Alas 5:00 ang takna sa kabuntagon dihang mibangon kini aron mangihi, nakurat nalang kini dihang iyang nakaplagan ang biktima nga naghapa sa salog nga naligo sa kaugalingon niining dugo.
Didto na kini nangayo ug tabang sa ubos nga bahin sa gambalay, tungod buhi pa ang biktima, gitabangan kinig dayong sa mga concern Citizen ug gikarga sa patrol car sa mga police dayon gidala sa ospital.
Dugang pagbutyag ni Niño nga ayha nahitabo ang pagpanunggab, nag inum ang nahisgutang biktima.
Sumala ni Po3 Omar Melikano, Imbistigador sa Police Station 1, didto ra gidunggab ang biktima gumikan walay nakit-ang tulo sa dugo sa hagdanan sa maong gambalay.
Subay sa imbistigasyon nakaangkon ug samad dinunggaban sa iyang kilid ang nahisgutan biktima.
Sa karon ginasuta pa sa Police Station 1 kung si kinsa ang suspek sa nasampit nga krimen, samtang gikatakda nilang bisitahan ang biktima sa ospital higayon nga kini makarekober na aron sayron kung si kinsa gyud ang midunggab kaniya.
