Davao City – Patay ang usa ka utility worker sa DTI human aksidenteng nahulog alas 12:50 kadlawon gikan sa upat ka palapag sa DTI Building nahimutang sa may Monteverde Avenue Corner Sales St.siyudad sa Davao.
Subay sa report gikan Sta Ana Pnp naila ang biktima usa ka Guillermo Alquizar 49 anyos nagpuyo sa Magtuod Brgy, Maa ningsiyudad.
Sa imbestigasyon nga gilusad sa kapolisan Sta Ana Pnp, sumala sa testimony sa usa ka witness nga naila sa pangalang Apple Jane Gloriane, 26 anyos, usa ka Admin Assistant sa maong buhatan nga iyang gikaisturya ang biktima kalabutan sa susi sa ilang staff room ug niadtong tungora nakita nalang ni Gloriane nga nikatkat na ang biktima agi sa gamay nga agianan padulong sa staff room apan aksidente nga nahulog sa ubos nga bahin sa maong gambalay.
Daling gitabang sa mga personahe sa 911 ang biktima apan gideklara kining patay ala 1:00 sa kaadlawon gumikan sa daghan bali sa iyang kalawasan ug samad nga naangkon sa bukton, paa, nawong ug sa ulo nga bahin.
Gipahibalo na ang pamilya sa biktima kabahin sa maong hitabo samtang ang patayng lawas niini gidala na sa Angel Funeral Parlor sa dalan F. Torres ning dakbayan sa Davao.
RadyoMaN Don Pulayao
