General Santos City— Padayon pa gihapon ang ginahimong imbestigasyon sa Philippine Drug Enforcement Agency kon PDEA-12 bahin sa utok sa pagbilin sa mokabat 1.89Million pesos nga cocaine nga una ng narekober sa usa ka compartment sa aircondition unit sa usa ka container van sulod sa usa ka container yard sa may Lower Malok Bridge, Barangay Labangal, ning dakbayan.
Unang nasayran nga nagagikan sa nasud Singapore ang nahisgutang container van. Sumala kang Kath Abad, tigpamaba sa PDEA 12 nga nakig-alayon na sila sa uban pang mga ahensya sa gobyerno aron nga mas mapadali ang pagresolba sa maong kaso.
Sa karon, under investigation matud pa ang chief technician ug ang tag-iya sa trucking company kung asa nabutang ang maong container van. Pag-angkon ni Abad nga hangtud sa karon, wala pa gyud silay napasakaan ug kaso kalabutan sa maong 1.89 million nga kantidad sa cocaine. (LVR)
