General Santos City— Patay samtan ginatambalan sa Dr. Jorge P. Royeca hospital ang pinaka-uwaheng biktima sa pagpamusil sa dakbayan nga si Rody Posadas, 35 anyos nga residente sa Prk. 18, Brgy. Lagao ning dakbayan.
Sumala kang Police Chief Inspector Peter Pinalgan Jr., hepe sa Police Station 3 nga alas 7 pasado ang akna sa buntag dihang nahitabo ang pagpamusil sa prk. 11, brgy. Lagao samtang sakay sa iyahang motorsiklo ang biktima.
Sa inisyal nga imbestigasyon, gisundan matud pa sa suspek nga sakay sa usa ka innova ang biktima dayon gipusil sa likop nga bahin nga milapos sa iyahang dughan.
Dugang pamahayag ni Pinalgan nga sa karon ilaha pang ginasuta ang background sa biktima aron nga masayran kung unsa nga anggulo ang dapat tutukan sa maong insidente.
Nagapahigayon na matud pa sila ug mas lalom nga imbestigasyon aron masayran kung si kinsa ang suspek hilabina nga adunay nakahatag sa eksaktong hulagway sa sakyanan nga gigamit.
Nakig-alayon na usab sila sa mga establishmentong anaa sa lugar sapagtuong nakuhan ug footage ang sakyanan nga igamit sa mga suspek.
