Sa kusog nga pagbundak sa uwan karong hapona, gatosan ka mga Sugboanon ang galabad ang ulo kon unsaon pag-uli sa ilang panimay o ba kaha pagbiyahe padung sa trabahoan alang sa mga pang-gabie ang duty. Lisod kaayong e para og jeep o taxi apan kung gamotor sad ka lisod pong e byahe tungod sa kakusog sa bundak sa uwan.
Bisag kinsa nga biyahero o motorista maka-ingon gyud nga labad sa ulo ning nitoltol nga pag-uwan matag hapon. Mao man sad ni ang pahimangno sa PAG-ASA. Apan bag-o lang nga balita gikan kanila nga naay LPA (Low Pressure Area) nga naa duol sa may Mindanao sa may Surigao area. Ang maong LPA mao’y hinungdan sa mga isolated thunderstorms diri sa Sugbo.
Kining maong photo mao ni ang sitwasyon sa usa ka gasolinahan duol sa SM City Cebu area atbang sa may port area. Gapundok ang mga motorista ug habal-habal driver para makasilong sa atop sa maong gasolinahan. Mao nang friendly reminder alang sa tanan nga maghinay og biyahe o kung mahimo dili nalang mobiyahe basta naay kusog nga bundak sa uwan. Amping lang gyud tanan mga iDOL.
