Davao City – Pipila ka adlaw ayha ang plebisito sa pag-ilis sa pangalan sa probinsya sa Compostela Valley (ComVal) ngadto sa Davao de Oro, gibutyag sa gobernador sa probinsya kung unsa ang benepisyong makuha kung hingpit kining mailisan.
Sa interbyu sa DXDC RMN Davao kang Jayvee Tyron L. Uy, ComVal governor, gibutyag niini nga kung mamahimo nang Davao de Oro ang probinsya, mas mulambo pa ang lugar labi na sa turismo.
“We have the chance nga maka re-brand sa atong province isip one of the provinces sa Davao region and then we can saturate better when it comes to investment and tourism pag Davao de Oro ang atong pangalan,” saysay ni Uy.
Dugang ni Uy nga mas dali usab nga mahinumduman sa mga langyaw nga adunay probinsya ang Davao nga abunda sa ‘natural resources’ ingon man buotan ug maalagarong katawhan.
Nasayran nga karong Disyembre 7, 2019 himuon ang plebesito diin moboto ang katawhan sa probinsya og YES or NO alang sa Davao de Oro.
RadyoMaN Kirby Manzon
