Davao City – Nagmalampuson ang gihimong plebisito ingon man ang kadaugan sa YES to Davao de Oro niadtong Sabado, Disyembre 7, 2019.
Sa interbyu sa DXDC RMN Davao kang Jayvee Tyron L. Uy, ang gobernador sa probinsya, mapasalamaton kini sa kooperasyon sa katawhan sa maong makasaysayanon nga aktibidad pinaagi sa pagboto.
“Nagapasalamat ko sa inyong pag-apil sa plebisito. Mahinumdoman nato puhon nga usa sa mga historical event sa atong probinsya nga nag-usa ta tanan ug gi-practice nato ang demokrasya,” saysay ni Uy.
Karon nga hingpit nang nahimong Davao de Oro ang ComVal, buot nga ipadayon sa gobernador ug mas pakusgan pa ang mga nasugdang mga maayong programa sa probinsya.
“We want our province to be peaceful. Number one man gyud nato nga priority ang peace and order program. So continue gihapon nato ang ang programa sa oplan pagbabago, sa literacy programs nato,” segun ni Uy.
Nagpasalamat usab ang opisyal sa mga taong anaa luyo sa maong kalampusan sama sa magtutudlo, kapulisan, kasundalohan nga nahimong hapsay ug malinawon ang plebisito.
RadyoMaN Kirby Manzon
