Davao City – Dili gayud i-kompromiso ni Island Garden City of Samal (IGaCoS)Mayor Al David Uy ang seguridad sa iyang mga katawhan batok sa padayong pagtaas sa kaso karon sa 2019 novel coronavirus acute respiratory disease.
Sa pakighinabi sa RMN Davao, gibutyag ni Uy nga wala siya mabalaka sa posilibidad nga maapektuhan ang turismo sa Samal subay sa iyang mando alang sa temporaryong suspension sa mga Chinese group tours ug Asian nationals visit sa ilang tourism destination locality.
Matud ni Uy, magpahigayon sila’g Joint Meeting uban ang Local Health Board, CDR Council ug mga security sectors alang sa ilang i-montar nga mga proactive measures batok 2019-nCoV.
Gitin-aw ni Uy nga dili kini pag-discriminate partikular na sa mga Chinese uban ang paghangyo sa tanan nilang mga partners, tour operators ug agencies nga suportahan ang ilang gihimong lakang alang sa kaayuhan sa tanang mga Samaleños.
RadyoMaN Aimee Guinita
