Plantsado na ang vaccination plan sang local government unit sang Polomolok sa tion nga hatagan sang daku nga alokasyon sang COVID-19 vaccines. Ini ang nangin pamahayag ni Polomolok Mayor Honey Lumayag Matti.
Suno kay Mayor Matti may anum ka mga vaccination sites ang LGU agud mapadasig ang pag-utlize sang bakuna.
Lakip sa vaccination sites sang banwa amo ang Polomolok Municipal Gymnasium, Cannery Site Barangay Gymnasium, Barangay Sulit Gymnasium nga sarang makaakumudar sang 1,800 tubtob 2,000 vaccinees kada adlaw.
Gintap man nila suno sa alkalde ang tatlo ka mga private hospitals nga amo ang Howard Hubbard Memorial Hospital, Bontuyan Medical Hospital Inc., kag Heramil Hospital nga mag-istablisar sang vaccination sites.
Ginpahayag man ni Mayor Matti nga nakigpartner man sila sa DICT para sa paggamit sang DICT Vaccination Administration System (DVAS) agud mapadasig ang ginapatigayon nga COVID-19 vaccination.
May salakyan man suno pa ang LGU para sa mga residente padulong sa vaccination sites kag pabalik sa ila barangay ilabi na kon malayo ang ila lugar.
