Bukas na sa mga kabataan edad 12-anyos tubtob 17-anyos bisan nga wala sang commorbidity ang pagpadayon sang vaccination batok COVID-19 sa Outpatient Department sang South Cotabato bwas nga adlaw, Nobyembre 3. Ini ang nangin kumpirmasyon ni IPHO Health Education and Promotion Officer Hannah Ebeo.
May-angot sini, ginaadvice ni Ebeo sa mga magpabakuna nga magpalista sa tagsa ka mga barangay health center agud nga makontrol kag indi magginutok.
Pahanumdom niya man sa mga kabataan nga magpabakuna nga dal-on ang mga ginikanan para sa pagpirma sang inform consent, dokumento nga nagapamatuod nga yara sa edad nga 12-17-anyos kag sa may mga comorbidity magdala sa gihapon sang medical certificate.
Seguraduhon man suno kay Ebeo nga wala sang ginabatyag nga kapareho sang sintomas sang COVID-19 kasubong sang ubo, lagnat kag iban pa kon magpabakuna.
Samtang Pfizer vaccine naman ang iturok sa mga kabataan.
