Magapadayon sa Biyernes nga adlaw, Nobyembre 12 ang vaccination sa Pediatric A3 sa bahin sang South Cotabato Provincial Hospital (SCPH) Outpatient Department.
Suno sa pamunuan sang SCPH, ang distribusyon sang forms ang ipatigayon sa Huwebes nga adlaw sa Outpatient Department , apang ang priority number ang ihatag sa adlaw sang vaccination.
Yara naman sa 150 ka mga kabataan edad 12 tubtob 17anyos nga may co-morbidities ang target nga mabakunahan sang Pfizer ukon Moderna vaccine.
Kinahanglan lamang nga magdala ang mga ini sang medical certificate nga nagapamatuod nga may co-morbidity nga pirmado sang pediatrician ukon attending physician kag birth certificate ukon ID.
Samtang ang ginikanan ukon guardian naman nga upod sang bakunahan nga bata ang magdala sang ID kag magdala sang kaugalingon nga ballpen.
Seguraduhon naman suno pa nga wala sang anuman nga ginabatyag nga sintomas sang COVID-19 sa adlaw sang vaccination ang vaccinee kag ang ginikanan/guardian.
