Valencia City nag-una sa pinakadaghang kaso sa dengue sa Bukidnon

52

Mukabat na sa 6,548 ang kaso sa gituohang dengue sa probinsya sa Bukidnon.

Sa interview sa RMN ngadto kang Dr. Ricardo Reyes, ang provincial health officer sa PHO Bukidnon gibutyag niini nga ang gikabalak-an karon ang mao nga sakit maong gideklara sa Department of Health nga epidemic ang dengue.


Matud ni Dr. Reyes nga sa as of Enero hangto August 5 ning tuig anaa na sa 6,548 ang kaso sa dengue sa Bukidnon kumpara sa 7, 571 sa tibook tuig 2018.

Laumang musaka pa ang mao nga ihap tungod kay anaa pa kita sa bulan sa Agosto ug aduna pay nahibiling upat ka bulan kapin.

Sigun sa PHO nga nag-una ang Valencia City sa pinakadaghang ihap sa kaso sa dengue ug gisundan sa siyudad sa Malaybalay, mga lungsod sa Maramag, Quezon, Don Carlos, Manolo Fortich, Pangantucan, Kibawe, Talakag ug Lantapan.

Gidugang pa ni Dr. Reyes nga nakita adunay pagtaas sa kaso sa dengue karong tuiga kung ikumpara sa nakalabay nga tuig sa mga lungsod sa Manolo Fortich, Doc Carlos, Sumilao, Pangantucan, Malitbog ug Kitaotao.

Facebook Comments

From Advertisers