Sa interview sa RMN Malaybalay ngadto kang PMaj. Jisselle Longakit, PNP-Bukidnon Spokesperson, gibutyag niya nga wala pay development sa mga krimen nga nahitabo sa siyudad sa Valencia partikular na sa paglakag suspek nga mipusil patay sa usa ka graduating IT student sa dakbayan.
Dugang pa nga anaa na kunoy person of interest sa pagpamusil sa usa ka negosyante didto sa Hagkol, Poblacion, Valencia City, Bukidnon diin gikatahong personal grudge ang posibleng motibo sa krimen.
Padayon pa ang imbestigasyon sa kapulisan sa maong mga insidente sa krimen sa Valencia City, apan dakong kabalaka na ang ginabati karon sa katawhan kabahin niini.
Hinoon gisiguro sa kapulisan nga padayon sila sa pagbuhat sa ilang mandato sa pagpabilin sa kahusay ug kalinaw ilabi na sa siyudad sa Valencia.
Dili lang matud pa malikayan ang mga insidente sa krimen tungod kay usa man kini ka social phenomenon.
Maong gipaniguro ni Major Longakit ang seguridad sa publiko ilabi na sa mga pampublikong lugar ug padayon matud pa ang ilang pagmonitor sa palibot.
