Patay ang isa ka van driver, matapos nga tiruhon sa atubang sang Tupi National High School, Purok 9, Brgy. Poblacion, Tupi, South Cotabato, alas 9:50 kahapon sang aga, Disyembre 9, 2020.
Ginkilala ang biktima kay Morsed Buletin, alyas Atoy, 36 -anyos, driver kag residente sang Prk. 8, Brgy. Polonuling, Tupi, South Cotabato.
Sa imbestigasyon nagamaneho sang passenger van ang biktima kag nagpondo ini agud sa pagkuha sang pasahero sa nasambit nga lugar sang hinali na lamang ini nga tiruhon sang makapila ka bes sa mga nagkalain-lain nga parte sang iya nga lawas sang suspek nga may tabon ang itsura kag nakasakay sa XRM single motorcycle nga wala sang plate number.
Gilayon naman nga nagpalagyo ang suspek matapos nga nakomitir ang krimen.
Nakuha naman sa crime scene ang syam ka fired cartridges sang kalibre 45 nga armas luthang.
Sa subong padayon ang imbestigasyon sang Tupi MPS sa nasambit nga insidente.
