Tulo ang patay sa madugoon nga aksidenti sa kadalanan didto sa lungsod sa Bunawan, Agusan del Sur bandang alas 3 ang takna sa hapon kagahapon. Usa ka UV Express Van ug dumptruck ang nagkabangga diin On the spot patay ang duha ka mga biktima’ng pasahero sa Van. Ang mga patay nga giila nga sila si John Mark Warkis, 30 anyos, residenti sa brgy. Poblacion, Prosperidad, Agusan del Sur ug Romeo Andres, 66 anyus, taga brgy. Libertad, Bunawan Agusan del Sur. Paglabay sa pipila ka oras nakabsan usab sa kinabuhi ang driver sa Van nga si Romy Cocoy Labana, 42 anyus, ug residenti sa Cotabato City – samtang padayung giatiman sa balay tambalanan ang laing 13 ka mga pasaherong angol. Migawas sa imbistigasyon nga padulong sa lungsod sa Trento ang dumptruck gikan sa Bunawan nga gimanehu ni Junry Durado, 33 anyos, ug residenti sa Talacogon, Agusan del Sur sa dihang nasugatan niini ang naghaguros nga Van nga padulong sa San Francisco, Agusan del Sur. Duha ka sakyanan ang gi-overtake sa Van apan sa ikaduha wala na makontrol sa driver niini ug didto misungag sa kasugat nga dumptruck mao’ng ang van ang gitudlong adunay sayop sa maong disgrasya. Padayung giimbistigahan sa kapulisan ang aksidenti ug kasamtangang gi-detain sa Bunawana PNP ang driver sa dumptruck. (VC. Bunawan 1) Si PSI Ryan Danguilit, hepe sa Bunawan Municipal Police Station sa interview sa RMN DXBC Butuan. Sent from my Samsung Galaxy smartphone.
