General Santos City—Pito ang patay sa nahitabong banggaanay sa Van ug Jeep sa National Highway nga sakop sa Barangay Batomelong, Gensan.
Lima ka mga biktima ang nadala sa Dr. Jorge Royeca Hospital kansa gideklarang dead on arrival. Samtang duha ang nadala sa Socksargen Hospital kansa gideklara usab nga dead on arrival.
Upat ang nailhan na samtang tulo ang wala pa na-identified usa dinhi ang 2 anyos nga bata.
Sa inisyal nga imbistigasyon sa Traffic Management Unit nasuta nga gikan ug Tantangan, South Cotabato ang Van ug pauli na unta sa lungsod sa Malungon, Sarangani Province apan pag abot sa lugar, nawad-an matud pa ug control ang driver sa manibela ug iyang nabanggaan ang Jeep nga gikan sa Sta. Cruz Davao Del Sur nga may sakay nga tulo ka pasahero.
Tungod sa hilabihan kakusog nga impact, ubay-ubay gyud ang nakabsan ug kinabuhi.
Sa karon nagpadayona ng gihimong imbistigasyon kalabutan sa insidenti.
