Davao City – Nasikop sa Criminal Investigation and Detection Group (CIDG-Davao del Sur) ang wanted sa kasong Violence Against Women and Children (VAWC).
Ang dinakpan mao si Guillermo Ramos, 50 anyos, minyo, nagpuyo sa Brgy. Mati, Digos City Davao del Sur, adunay warrant of arrest sa kasong R.A 9262 kun VAWC nga gipagawas ni Hon. Judge Carmelita Sarno-Davin, acting presiding judge sa Regional Trial Court, 11th judicial region Branch 18, Digos City.
Naaresto ang suspetsado alas 10:00 sa buntag ug ang operasyon kabahin sa gipahugtan nga ‘Oplan Pagtugis’ sa CIDG Davao del Sur nga nakabase sa Digos City, Davao del Sur.
RadyoMaN Erin Lumosbog
Facebook Comments
