Panay, Capiz- Isa ang patay samtang isa ang padayon nga ginabulong sa ospital matapos nabunggo ang ginasakyan sang mga ini nga motorsiklo sa gate sang isa ka poluy-an sa Brgy Anhawon banwa sang Panay alas 2:20 sang kaaganhon. Ginkilala ang napatay kay Eric Laurente, 36-anyos ang pang-edaron sang East Vilaflores, Maayon bangud sa patal nga pilas nga naangkon sini tuga sang kabaskugon sang pagkabunggo. Samtang ginabulong sa isa ka ospital sa syudad sang Iloilo ang backrider sini nga nakilala kay Christopher Daza sang Brgy San Antonio, Cuartero, Capiz. Suno sa inisyal nga imbestigasyon sang kapulisan, halin ang mga ini sa Brgy Buntod, Panay kag pauli na kuntani sa East Vilaflores, Maayon sang wala makontrol sang driver nga si Eric Laurente ang manibela sang motorsiklo kabangdanan nga nabunggo sa poste sang gate nga ginapanag-iyahan ni Daren Balgos. Gindangat pa sa pinakamalapit nga ospital si Laurente apang ini ang gindeklarar nga ginbawian sang kabuhi.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
