General Santos City—Usa patay samtang usa angol human nabangga ang motorsiklo nilang gisakyanan sa natumba nga punuan sa ipil-ipil sa may Liloha Vill, Conel Road, Barangay Lagao, Gensan alas 11:30 ang takna sa gabie kagahapong adlawa.
Ang namatay giilang si Jerry Costal Masunong, 26,construction worker, residenti sa J. Misa St., Barangay Lagao Gensan. Samtang ang angol giilang si Jay Magarzo, kansa maoy driver sa motorsiklo.
Subay sa report pauli na unta ang mga biktima sa ilang panimalay dihang sila nabangga sa natumba nga punuan sa ipil-ipil.
Gumikan sa impact, nangalagpot ang duruha apan ang biktimang si Masunong maoy napuruhan. Nadala pa sa Dr. Jorge Royeca Hospital ang biktima apan gideklara kining dead on arrival, samtang kaubanan niini nga si Magarzo ang luwas na sa kuyaw nga kahimtang.
Gikaingong nakainum ang duha ka mga biktima dihang nahitabo ang insidenti.
