General Santos City—Ospital ang gidangatan sa duha ka mga biktima human natumbahan ug punuan sa ipil-ipil ang traysikad nga ilang gisakyan sa may Liloha Vill., Barangay Lagao, Gensan alas 7:30 ang takna kagabie.
Giila ang mga biktima nga silang si Primo Ranises, driver sa traysikad, residenti sa purok 1 Conel ug Arnold Genive, 22 anyso estudyante ug residenti sa Barangay Lagao, Gensan.
Nasayran nga gikan sa Barangay Conel ang mga biktima ug padulong unta sa Barangay Lagao apan pag abot sa Liloha Vill., kalit lang natumba ang punuan sa kahoy kansa nahagsa gyud sa traysikad nga gisakyan sa mga biktima.
Nakaangkon ug mga samad ug bun-og sa nagkandaiyang parti sa lawas ang duruha kansa dali nga gidala sa Dr. Jorge Royeca Hospital human sa insidenti.
