Sultan Kudarat—Duha ang patay samtang usa angol sa disgrasya sa kadalanan nga nahitabo sa National Highway sakop sa Barangay Immanuel, Tacurong City nga gikalambigitan sa Isuzu wing van ug motorsiklo alas-6:50 kagabie, July 22, 2018.
Giila ang namatay nga si Ronel Suarez, 18, driver sa motorsiklo, estudyante, ug residenti sa President Quirino, Sultan Kudarat ug Emman Earl Borres, 16, residenti gihapon sa President Quirino. Samtang giila ang angol nga si Justine Ledesma,17, residenti sa maong lugar.
Sa inisyal nga imbistigasyon nasuta nga gikan sa Matalam, North Cotabato ug padulong unta sa Polomolok, South Cotabato ang Wing Van dihang nabanggaan niini ang motorsiklong gisakyan sa mga biktima.
Nakaangkon ug grabeng samad silang Borres ug Suarez nga hinungdan sa ilang kamatayon.
Sa karon nagpadayon ang gihimong imbistigasyon kalabutan sa maong insidenti. Samtang driver sa van ang anaa pa sa kustudiya sa Tacurong PNP.
