General Santos City—Ospital ang gidangatan sa usa ka hubog human nabanggaan ug tricycle sa Purok San Francisco, Balete, Barangay Lagao Gensan alas 7:25 ang takna sa gabie, kagahapong adlawa.
Biktima giilang si Reynan Mansibat, legal age, residenti sa Batuan, Jose Abad Santos, Davao Del Sur.
Sumala sa inisyal nga imbistigasyon sa kapulisan nasuta nga nagbaktas lang ang biktima daplin sa dalan sa may Balete, Lagao dihang kini nabanggaan ug tricycle, apan inay tabangan ang biktima gibyaan na nuon kini sa nakabangga.
Nakarespondi gilayon ang Gensan rescue team kansa maoy nagdala sa biktima sa Dr. Jorge Royeca Hospital.
Nasayran nga daghan mga samad ug bun-og ang naangkon sa biktima human kining nabanggaan.
Facebook Comments
