Davao City – Midangop sa San Pedro PNP ang usa ka vendor human makadawat og peke nga salapi gikan sa usa niya ka customer nga mitunol kaniya og kantidad nga 1, 500 pesos.
Complainant mao si Paul Paquidongan, 52 anyos nga taga- Barangay 38-D syudad sa Davao samtang respondent mao si Jake Mondaza, 45 anyos nga taga Sandawa Davao City.
Sa gihimong pakighinabi sa News Team sa DXDC RMN Davao ngadto sa biktima miingon kini nga mipalit og durian si Mondaza kaniya apan pagkakita niini sa maong salapi namatikdan sa vendor nga peke ang kwarta nga gitunol kaniya rason nga nagpatabang kini sa kapulisan.
Sa dihang nag-abot sa presinto sa kapolisan ang duruha miingon ang suspek ang maong salapi nakuha niya gikan sa mga tawo nga nagsabong og manok.
Mihangyo ang suspek ngadto sa kapolisan nga iya nalang kambiyohan ang maong kantidad nga peke apan nagdumili ang biktima ug nihangyo usab sa kapolisan nga iyang pakuhaan ug hulagway ang suspek tuod man nisugot ra sab ang suspitsado sa hangyo sa biktima.
Ang peke nga salapi gikustodiya na sa San Pedro PNP.
RadyoMaN Don Pulayao
