Nagbanaw ang dugo sa Taboan sa Langihan human gidunggab patay ang biktimang 23 anyos kagabie.
Giila ang biktima nga si Alvin Poblico, 23 anyos, ulitawo ug residenti sa P-10, brgy. Doongan ning syudad sa Butuan, samtang ang suspek giila nga si alyas “Choy-choy”.
Sa inisyal nga imbistigasyon sa kwerpo sa kapulisan nasayran nga adunay ka-inom ang biktima nga grupo sa mga lalaki apan niabot sa init nga bikil gumikan sa impluwensya sa ilimnong makahubog nga miresulta sa pagsinumbagay apan wala makontento ang suspek ug mibunot kini sa iyang hinagiban dayo’g duslak ngadto sa biktima igu sa tuo’ng bahin sa iyang dughan nga miresulta sa iyang kamatayon.
Daling mirespondi sa crime scene ang mga elemento sa Police Station 2 ug didto nakita ang biktima nga nagbuy-od kini ug naligo sa kaugalingong dugo.
Gidala pa sa MJ Santos ang biktima apan gideklara kining dead on arrival.
Samtang ang suspek misibat sa wala masayring lugar bitbit ang iyang hinagiban ug padayong gipangita karon sa tinugyanan sa balaod.
[image: police line.jpg]
