Davao City – Mitiyabaw ang usa ka vendor sa pantalan sa Sasa sa mga sakop sa Police Auxiliary sa Sasa Police Station human nga gibawalan na kini mga mamaligya sa premises sa Sasa Wharf ning siyudad.
Mipalag si alyas Jes nga taga San Antonio Agdao sa duha ka police auxiliary human gibabagan kini makasulod sa pantalan aron maninda 10:00 sa buntag.
Apan katarungan sa duha ka police auxiliary nga ang ilang pagbawal sa complainant nga makapaninda sa pantalan nunot sa gipatuman nga lockdown sa tibuok rehiyon hatud sa pagtala sa kaso sa coronavirus disease sa pipila ka dapit sa Davao Region.
Apan bisan paman, ang maong vendor namugos gayod makasulod aron maninda sanglit ang tanan nilang panginahanglanon sa ilang pamilya nagagikan sa iyang income sa pagnegosyo og ginagmay.
Tungod niini, midangop sa Sasa Police Station ang maong ginang aron ireklamo ang nasangpit nga mga otoridad.
RadyoMaN Joel Viray
